ජීවිතයම වෙනස් කල පොත
මම අකුරු කියවන්න පටන් ගත්ත දවසෙ ඉඳලම කියැවීම දැක්කෙ කුතුහලය විවර කරන දොරක් හැටියට, පොතක් ගත්තත් පත්තරයක් ගත්තත් ඒවායේ සටහන් වන දේවල් දැනගැනීමට නොනිමි ආශාවක් හැමදාම තිබුනා. අවුරුදු පහේ කාලෙදිත් අහු වෙන ඕනෑම දෙයක් තේරුමක් නැතත් කියවන්න පුරුදු උනා. මෙන්න මෙ අතරෙ අවුරුදු අටක් විතර ඇති කාලෙක තංගල්ල මහජන පුස්තකාලයෙ තිබුන රුසියානු පොත් ප්රදර්ශණයකයක් බලන්න ගෙදර අයත් එක්ක යන්න ලැබුනා. මුලු ප්රදර්ශණයෙම තිබුනෙ රුසියානු විප්ලවය සම්බන්ධ සෝවියට් මහා කතුවරු රචනා කරපු පොත්. ඒ අතරෙ තිබුන මෙන්න මේ පොත දැකපු ගමන්ම ගිහින් පෙරලල බලන්න මට පුදුම ආශාවක් ඇතිවුනා.
මේ කවරයට සමාන Hard cover එකක් තිබුන දිගින් පළලින් වැඩි සිංහල පරිවර්තනයක්. පාට පාට රූප ගොඩක් තිබුනා. ඒ වයසෙ හැටියට නමත් හරියට සුරංගනා කතාවක් වගේ "මිනිසා යෝධයකු වූයේ කෙසේද " පොත ටිකක් පෙරලල බලල අම්මලට බල කරලම කිව්ව මේ පොත ගන්නම ඕන කියලා මම පොත බදාගෙනම හිටියා. එයාල කීප සැරයක්ම කිව්ව මේ පොත ඔයාට දැන්ම තේරෙන්නෙ නෑ තව ටිකක් ලොකු උනාම ගනිමු කියලා. ඒත් මම සද්දෙ දාලා කොහොම හරි පොත ගත්තා. කොහොමහරි ගෙදර ගිහින් එදාම පොත කියවන්න පටන් ගත්තා. ඒක ඇත්තටම ඒ වයසෙ හැටියට කිසිසේත් ඔරොත්තු නොදෙන පොතක්. ඒත් ටිකෙන් ටික කියවද්දි ලොකු ආශාවක් ඇති වුනා. මිනිස්සු ගොත්රික යුගයෙ ඉදලා රජවරු බිහිව්ම සිට මේ දක්වා මිනිස් සමාජයේ විකාශනය හොදින් පැහැදිලි කරලා තිබුනා. පොඩි පොඩි පොත් කියව කියව හිටපු මට මේක ලොකු වෙනසක්, ලෝකය ගැන ගැන දැනගැනීමේ මගේ නොනවතින ආශාවෙ මුල්ම පියවර තියන්න දායක වුනේ මේ පොත. ඒකෙ දිගුවක් හැටියට තමයි සාමාන්යය දැනීම, විදෙස් පුවත්, ඉතිහාසය වගේ දේවල් හාරවුස්සන කවදාවත් ඉවර නොවන පුරුද්ද මට ඇතුවුනේ. කෙටියෙන්ම කිව්වොත් මගේ ජීවිතයම වෙනස් කරපු පොතක්. එදා ඒක අහම්බෙන් හෝ නොගෙන සිටියනම් අද මගේ තියෙන සමහර ගතිලක්ෂණ වෙනස් වෙන්න තිබුනා. මම හිතනව ඔයාලටත් මෙහෙම පොතක් ඇති මතකයේ රැඳෙන
මෙන්න මේ පොත් දෙකත් කියවා බලන්න. Jared Diamond ගේ Guns, Germs and Steel සහ Yuval Noah Harari ගේ Sapiens. මෙයින් පළමු වැන්න තමයි, මට වැඩිම දැනුමක් ලබාදුන් පොත.
ReplyDeleteමම පලවෙනි පොත ගැන අහල තියෙනවා. ඒකෙ documantry එකක් බලනවා මෙ දවස් වල. ස්තුතියි
Deleteහොඳ පොතකට හැකියි ලොකු වෙනසක් කරන්න
ReplyDelete+++
ReplyDeletehttps://en.wikipedia.org/wiki/A_Short_History_of_Nearly_Everything
ReplyDeleteමම කියවපු හොදම පොත් තමයි ඩෙස්මන් මොරිස්ගේ මනුසත් උයන සහ නිරුවත් ගැහැනිය කියන පොත් දෙක
ReplyDelete